НБА лигата официјално го потврди она што го очекуваа љубителите на кошарката на Балканот, Никола Јокиќ официјално е во потесниот круг на кандидати за наградата МВП.
Иако сезоната беше полна со предизвици за српскиот центар, тој успеа да собере доволен број натпревари едвај на самиот крај од лигашкиот дел, со што ја исполни квотата за влез во трката за најпрестижната индивидуална награда.
Дилемата дали трикратниот освојувач на оваа награда повторно ќе биде во натпреварувањето ја отстранија неговите неверојатни игри.
Фактот дека Јокиќ ја заврши сезоната со просек од „трипл-дабл“ беше пресилен аргумент за гласачите да го игнорираат. Сепак, патот до четвртата титула воопшто нема да биде лесен, со оглед на тоа што неговите ривали се играчи кои зад себе имаат историски сезони.
Негов главен конкурент е Шаи Гилџус-Александар, ѕвездата на Оклахома и актуелен бранител на оваа титула, кој продолжи таму каде што застана минатата година.
Покрај овие двајца, меѓу последните тројца се најде и Виктор Вембањама, кој со своите неверојатни настапи го предводеше Сан Антонио до високото второ место во Западната конференција.
Од друга страна, Лука Дончиќ беше отстранет од потесниот список на кандидати и сега е сигурно дека нема да има шанса повторно да го подигне трофејот за МВП.
