Како минатосезонски вицешампиони на АБА 2 лигата и првопласирана екипа во регуларниот дел од сезоната во Првата македонска лига, КК ТФТ обезбеди учество во АБА 2 лигата и за сезоната 2026/27.
По тој повод, од клубот преку соопштение му се заблагодарија на раководството на АБА лигата за укажаната доверба и можноста повторно да бидат дел од ова престижно регионално натпреварување.
„Со голема мотивација и амбиција влегуваме во новата сезона, со желба да оствариме уште поголем успех и достојно да ја претставуваме македонската кошарка на регионалната сцена“, додаваат од кошаркарскиот тим.
