Портланд Треилблејзерс ги победија Сан Антонио Спарс со 106:103 на гостински терен, израмнувајќи го резултатот во првата рунда од плејофот на Западната конференција на 1:1.
Натпреварот беше обележан со сериозна повреда на првата ѕвезда на Спарс, Виктор Вембањама. Во текот на втората четвртина, по фаул на Дру Холидеј, францускиот центар падна и го удри лицето на подот, по што му беше дијагностициран потрес на мозокот.
Вембањама веднаш влезе во строгиот НБА протокол, што го доведува во прашање неговиот настап во следните натпревари од серијата.
Најзаслужен за триумфот на Портланд беше Скот Хендерсон со 31 поен, со одличен шут од поле (11/17) и пет тројки. Дру Холидеј додаде 16 поени и девет асистенции, Дени Авдија постигна 14, а Роберт Вилијамс заврши со 11 поени во третиот натпревар.
Сан Антонио беше предводен од Стефон Касл со 18 поени, Де’Арон Фокс постигна 17, а Девин Васел имаше „дабл-дабл“ со 16 поени и 12 скока. Вембањама имаше пет поени и четири скока за 12 минути пред повредата.
Поразот ја прекина неверојатната серија на Спарс од 76 последователни победи во плејофот кога водеа со 14 или повеќе поени разлика во четвртата четвртина. Последен пат кога дозволија такво водство беше пред повеќе од две децении, во мај 2003 година против Далас.
Третиот натпревар од серијата е во петок, а Портланд ќе биде домаќин на натпреварот.
