📽️ Вембањама влезе во историјата на НБА – 52 поени, 24 скока и 8 блока го срушија Далас

Виктор Вембањама имаше 52 поени, 24 скока и 8 блокади во победата на Сан Антонио Спарс од 112-111 над Далас Маверикс. Ниту еден играч во историјата на НБА не запишал вакви бројки.

Францускиот кошаркар со тоа постави нови рекорди во кариерата по бројот на поени и скокови, а му беа потребни 34 минути на теренот за да го направи сето тоа. Тој шутираше 16/28 од поле и 19/23 од линијата за слободни фрлања, со две асистенции и две украдени топки.

Како што објави АП, Вембањама веќе имаше 29 поени, 15 скока и пет блокади на полувремето. Со тоа тој стана првиот играч со најмалку 25 поени, 10 скока и пет блокади во едно полувреме откако НБА почна да води детална евиденција за текот на натпреварите.

Единствениот играч кој имал најмалку 50 поени, 20 скока и пет блокади во еден натпревар бил Боб Мекаду на 22 февруари 1974 година.

Ирвинг постигна 29 поени за Далас, Маршал 22, Пи Џеј Вашингтон 21, а Купер Флег 19.

Дилан Харпер помогна со 21 поен за Спарс, додека Стефон Касл имаше 17 поени и 10 скока.

Спарс го добија својот шести натпревар по ред и имаат скор од 6-2, додека Маверикс имаат скор од 4-4 по вториот пораз по ред.

Резултати:

Детроит – Филаделфија 106:112
Вашингтон – Атланта 105:120
Бостон – Милвоки 109:102
Бруклин – Шарлот 114:104
Њујорк – Чикаго 135:105
Мемфис – Индијана 103:107
Њу Орлеанс – Јута 120:113 (по продолжение)
Оклахома Сити – Кливленд 124:116
Хјустон – Минесота 107:117
Денвер – Торонто 128:109
Финикс – Портланд 119:132
Сан Антонио – Далас 112:111
Сакраменто – ЛА Лејкерс 103:116
ЛА Клиперс – Мајами 116:117 (по продолжение)