Астон Вила спровеле позитивни разговори со менаџерот Унаи Емери за продолжување на договорот што би можел да трае по 2029 година. Во клубот се оптимисти дека Шпанецот ќе продолжи на Вила Парк и ќе се посвети на клубот за подолг период.
На Емери му остануваат уште три години од неговиот тековен петгодишен договор, кој го потпиша во 2024 година. Сепак, раководството веќе работи на планови за иднината, а на таа тема се одржа состанок со претседателот на клубот, Насеф Савирис, претседателот на фудбалските операции, Роберто Олабе, и директорот на фудбалските операции, Дамијан Видагани.
Веста доаѓа во време кога се појавуваат извештаи што го поврзуваат Емери со менаџерската позиција во Манчестер Јунајтед. Астон Вила објави официјално соопштение во кое се потврдува позитивниот тон на разговорите и нивните амбиции за долгорочен развој под водство на Шпанецот.
„Астон Вила денес одржа клучен работен состанок за планирање на иднината на клубот и поставување на темелите за нивниот долгорочен спортски и институционален проект.
Разговорите се фокусираа на заедничко планирање на долгорочната стратешка насока на клубот, при што позитивните разговори воспоставија јасна посветеност кон периодот по 2029 година и заедничкиот развој на клубот под спортското водство на Унаи Емери, врз основа на споделени амбиции и заедничка цел за постигнување високи резултати и континуиран раст во наредните години.
Целта е јасна: да се изгради амбициозна и конкурентна Астон Вила, способна да се справи со најголемите предизвици и да постигне значајни успеси“, соопшти клубот.
