Рускиот тенисер Данил Медведев беше поразен од Матео Беретини во второто коло на АТП турнирот во Монте Карло.
Беретини му го нанесе на Медведев најлошиот пораз што го доживеал во кариерата, бидејќи не доби ниту еден гем во текот на натпреварот (6:0, 6:0), што никогаш порано не му се случило.
Натпреварот траеше само 51 минута, а Русинот, покрај тоа што ги загуби сите гемови на свој сервис, не успеа да искористи ниту една од двете брејк топки во натпреварот.
Медведев никогаш не бил добар на земјени терени, но ваков пораз сигурно не беше очекуван, со оглед на тоа што е во добра форма и дека веќе има два трофеи оваа сезона (Бризбејн, Дубаи), а играше и во финалето на Мастерсот во Индијан Велс.
Русинот беше седми носител на турнирот во Кнежевството, а Беретини, кој е рангиран на 90-то место во светот, ќе игра во осминафиналето против победникот од натпреварот Жоао Фонсека – Артур Риндеркнес.
, што никогаш порано не му се случило){kind=link}