Ник Киргиос се врати на теренот и веднаш покажа дека сè уште може да игра врвен тенис откако го победи Французинот Корентин Муте со 6-3, 6-4 на АТП турнирот во Штутгарт, во својот прв натпревар во сингл по петмесечна пауза.
Киргиос претходно беше надвор од терените поради проблеми со коленото и глуждот, но неговото враќање на неговата омилена тревна подлога донесе добри резултати.
Потсетуваме, Киргиос играше во финалето на Вимблдон во 2022 година, но повредите потоа го оддалечија од најголемата сцена.
Ова враќање покажува дека, доколку остане здрав, повторно би можел да биде сериозен фактор на АТП турнејата за време на сезоната на трева.
