Откако ја отфрли официјалната понуда на Реал Мадрид од 150 милиони евра за Хулијан Алварез, фудбалскиот клуб Атлетико Мадрид се огласи на социјалните мрежи за иронично да ги „исправи“ тврдењата на својот градски ривал.
„Јорганџиите“ категорично ја отфрлија понудата и ги упатија соседите на откупната клаузула на аргентинскиот напаѓач од половина милијарда евра.
Управата на Атлетико потоа објави текст насловен како „Појаснувања во врска со официјалната изјава од нашите соседи“, во кој директно го исмеа Реал.
Меѓу другото, тие наведоа дека Реал изоставил дел од видеото за Папата во кое тој нагласува дека го поддржува Атлетико, и дека соседите ја помешале учтивоста со благодарноста кога рекле дека Атлетико „им се заблагодарил за понудата“.
Comunicado oficial con nuestras aclaraciones sobre el comunicado oficial de nuestros vecinos @realmadrid:
1. Se os cortó el vídeo del Papa donde decía que también era del Atleti.
2. Habréis confundido la educación con agradecimiento, pero para que no haya dudas: no os agradecemos…— Atlético de Madrid (@Atleti) June 9, 2026
Клубот категорично изјави дека дури и не ги разгледал понудите за Алварез, со забелешката: „Како можеме да не се согласуваме, кога нè смеете повеќе од Барселона?“
Хулијан Алварез (26) пристигна во Атлетико во летото 2024 година од Манчестер Сити во трансфер вреден 75 милиони евра, и оттогаш е клучна фигура во тимот на Диего Симеоне.
Аргентинецот досега одигра 106 натпревари, постигнувајќи 49 гола и 17 асистенции, додека само во претходната сезона постигна 20 гола и запиша 9 асистенции на 49 натпревари. Неговиот договор со „црвено-белите“ го врзува до летото 2030 година.
