Италијанскиот тенисер, Јаник Синер, денес беше итно хоспитализиран на барање на неговиот тим во приватна ортопедска клиника, според локалните тениски новинари, и само неколку недели пред почетокот на последниот Гренд слем во сезоната, Отвореното првенство на САД во Њујорк.
Имено, Јаник Синер утрово бил на преглед во Милано, а се наведува дека неговиот физиотерапевт морал да го скрати одморот за да се врати и да изврши прегледи на моментално првиот тенисер на планетата. Засега се знае само дека самиот Синер ја кренал тревогата на највисоко ниво.
Се додава дека сè уште не е познато дали проблемот е од рутинска природа или дали Јаник Синер претрпел повреда, поради што решил да остане кај својот лекар за понатамошни прегледи.
Доколку се покаже дека е нешто уште малку посериозно, на Италијанецот ќе му остане многу малку време да се опорави за Отвореното првенство на САД. Со оглед на тоа што настапот на Карлос Алкараз е исто така под сериозна дилема за последниот Гренд слем во сезоната, јасно е колку голем удар би бил ова за организаторите.
Јаник Синер ги помина претходните денови одмарајќи се во Монако и го пропушти АТП Мастерсот во Монтреал.
