Возачот на Trackhouse Aprilia, Раул Фернандез, се искачи на врвот на табелата на крајот од официјалниот тренинг пред Големата награда на Индонезија, откако постави нов рекорд на сите времиња на патеката „Мандалика“.
FASTEST EVER LAP AT MANDALIKA ⏱️
@25raulfernandez goes HALF A SECOND QUICKER 🤯
#IndonesianGP 🇮🇩 https://t.co/3OMqBUlcmC
— MotoGP™🏁 (@MotoGP) October 9, 2026
Сесијата започна со 35-минутно задоцнување поради технички проблем со транспондерите за мерење на времето на патеката.
Шпанецот постигна време од 1:28.725, што е подобрено за 0,107 секунди од времето што Марко Бецеки го постави за победа во квалификациите на Ломбок пред една година. Самиот Бецеки беше втор со дефицит од 0,219, и беше единствениот возач освен Фернандез кој денес падна под 1:29 за круг.
An Aprilia 1-2-3 headed by @25RaulFernandez ahead of Marco Bezzecchi and @88jorgemartin 🔥
#IndonesianGP 🇮🇩 https://t.co/aGSdd6cPj4
— MotoGP™🏁 (@MotoGP) October 9, 2026
Триото со дефицит од 0,481 во однос на лидерот во вкупниот пласман на MotoGP го формираше Хорхе Мартин, а зад него беа Педро Акоста и Марк Маркез на четвртото и петтото место, кои беа 0,669 и 0,701 зад Фернандез, соодветно.
Меѓу првите 10 на крајот од вторите 60 минути подготовка беа и Фабио Ди Џанантонио, Фабио Куартараро, Алекс Маркез, Франко Морбидели и Франческо Бањаја, кој за прв пат од Големата награда на Холандија кон крајот на јуни се квалификуваше директно за втората фаза од квалификациите.
Прв од нив беше Алекс Ринс, кој заврши 0,090 зад двократниот светски шампион и ќе мора да ги помине првите 15 минути од борбата за пол-позицијата. На фабричкиот возач на Јамаха ќе му се придружат Џек Милер, Аи Огура, Лука Марини, Фермин Алдегер, Топрак Разгатлиоглу, Бред Биндер, Јоан Зарко, Диого Мореира, Маверик Вињалес, Енеа Бастијанини и Алеиш Еспаргаро.
Викендот на Големата награда на Индонезија, 17-тa трка од сезоната на МотоГП во 2026 година, ќе продолжи утре во 4:10 часот наутро по наше време со 30-минутниот втор слободен тренинг. Веднаш по неговото завршување, во 4:50 часот наутро, ќе започнат квалификациите, кои ќе го одредат стартниот редослед за спринтот и трката на „Мандалика“.
