Седумкратниот светски шампион Луис Хамилтон израдува илјадници на трибините во Силверстоун откако победи во квалификациите пред утрешниот спринт на британската патека.
Поради големата деградација на гумите, апсолутно сите избраа да направат само еден летечки круг на меката варијанта во рамките на одлучувачките 8 минути од борбата за пол-позиција.
LEWIS HAMILTON TAKES #F1SPRINT POLE AT SILVERSTONE!! 👊#F1 #BritishGP pic.twitter.com/ddfPgzgqsQ
— Formula 1 (@F1) July 3, 2026
Во својот круг, Хамилтон постигна време од 1:28.376 за да го престигне лидерот во генералниот пласман Андреа Кими Антонели за 0,011 секунди и да ја освои првата позиција на стартот.
Италијанецот ќе стартува втор, додека Макс Верстапен и вториот возач на Ферари – Шарл Леклерк ќе стартуваат од вториот ред.
Џорџ Расел воопшто не можеше да се приближи до предните позиции, останувајќи на петтото место со дефицит од 0,357 во однос на Хамилтон, а зад него ќе се наредат Ландо Норис, Оскар Пјастри, Исак Хаџар, Лиам Лосон и Арвид Линдблад.
