Четирикратниот светски шампион во Формула 1, Холанѓанецот Макс Верстапен, импресивно победи на уникатен картинг настан организиран од Ред Бул во Силверстоун.
Верстапен се натпреваруваше против 100 учесници од светот на шоубизнисот, спортот и стриминг содржините во картинг. Холанѓанецот ја започна трката од 30 круга од последното место и доби 75 минути за да ги престигне сите возачи.
COMEÇOU: MAX VERSTAPPEN VS 100 KARTS
LOUCURA TOTAL!!!!! pic.twitter.com/GmpCs6JpZW
— Blog Fórmula 1 (@blog_formula1) September 16, 2026
Му беа потребни само 13 круга и 35 минути за да додаде уште една, можеби најнеобична победа во својата колекција победи досега.
„Ова е мојата прва победа оваа година“, рече тој со насмевка.
Холанѓанецот престигна 63 возачи уште во првиот круг. Додека неговите ривали се судрија и се извртуваа, Верстапен ги поминуваше.
„Доаѓам по вас“, им извика тој на своите ривали. Холанѓанецот го стигна последниот од своите ривали, новинарот на Формула 1, Џеки Мартенс, по 35 минути.
„Не знаев што да очекувам. Беше многу забавно. Многу хаотично, морав да бидам малку внимателен во првиот дел, но беше и многу забавно“, изјави тој за Disney+ неколку моменти пред да биде полеан со шампањ од холандски новинар и техничар на Ред Бул.
“THIS IS MY FIRST WIN OF THE YEAR, SO I’M TAKING IT.” 😭
Max Verstappen after winning the Max vs 100 karting race. 😂#F1 | #MaxVs100 pic.twitter.com/DN0EfzrwIZ
— Everything Formula (@evrythngformu1a) September 16, 2026
Верстапен почнал да вози картинг на четиригодишна возраст и да се натпреварува на првенства на седумгодишна возраст. Неговата мајка, Софи Кумпен, била поранешна натпреварувачка во тркачката класа. Макс станал и европски и светски шампион во картинг во 2013 година, а подоцна се искачил во тркачките серии од повисоко ниво.
„Возам картинг од четиригодишна возраст до 15 години, па затоа немам никакви изговори дека треба да тренирам повеќе или дека немам доволно време. Само треба да се навикнам на патеката и да го проверам држењето на неа“, рече тој пред настанот.
Новинарот на ESPN, Нејт Сондерс, кој стартуваше на 89-то место, „падна“ за само 10 секунди.
„Беше малку замаглено. По стартот погледнав надесно и таму беше Макс, а потоа го немаше. Начинот на кој успеа да се пробие низ толпата беше луд“, рече тој.
