НБА понуди интересна „Балканска пресметка“ синоќа. Никола Јокиќ и Лука Дончиќ беа на теренот, а во драматичното финале славеа Лос Анџелес Лејкерс, откако словенечкиот ас погоди шут во последните секунди за победа над Денвер Нагетс со резултат од 127:125.
Додека се одвиваше големата битка на теренот, вниманието на публиката го привлече и едно познато лице на трибините. Меѓу гледачите беше и поранешната светска тенисерка број еден, Марија Шарапова, една од најпознатите спортистки на нејзината генерација.
Tennis legend Maria Sharapova & Luka Dončić following the Lakers OT W! pic.twitter.com/9YRD5XeJLv
— NBA (@NBA) March 15, 2026
Поранешната руска тенисерка ретко се појавува во јавноста во последните години и претежно води потивок живот надвор од професионалниот спорт.
По натпреварот во Лос Анџелес, Шарапова имаше можност да се фотографира со Лука Дончиќ, а заедничката слика ја објави на социјалните мрежи.
