Мароко стана првиот четвртфиналист на Светското првенство во САД, Мексико и Канада. Африканската репрезентација победи со 3:0 против еден од ко-домаќините – Канада и со тоа „јаворовите лисја“ станаа првите од трите земји домаќини што го напуштија турнирот.
Трите гола паднаа во второто полувреме, а два постигна Азедин Унахи (50’, 82’). Третиот падна во последната минута од дополнителното време на натпреварот, а го постигна Софијан Рахим (99’).
За „Лавовите“ ова ќе биде второ Светско првенство по ред на кое тие стигнуваат до четвртфиналната фаза. Канадската репрезентација го започна натпреварот подобро и практично ја држеше иницијативата сè до првиот гол, кој се чинеше дека го сврти текот на играта, а вториот гол едноставно стави крај на спорот.
Мароко ќе се соочи со победникот од натпреварот Парагвај-Франција, кој ќе се игра подоцна вечерва.
