Ремито на Португалија со ДР Конго отвори долгогодишна дилема за Португалците – со или без Роналдо во поставата?
Кристијано, официјално најстариот играч што започнал во историјата на Светските првенства, не му помогна на својот тим да ја надмине првата пречка на Светското првенство, благо речено. Можеше да направи повеќе, ако перформансите на теренот се единствениот критериум.
Роналдо беше речиси бескорисен против Конго. Со физички беспрекорен противник, речиси никогаш не се најде во позиција директно да го загрози голот. Единствениот пат кога можеше директно да придонесе, неговото его се испречи. Во ситуација што „мирисаше“ на гол, наместо да му ја додаде топката на Бруно Фернандеш, тој сакаше самиот да ја заврши акцијата – и промаши.
Тоа беше идеална позиција за Бруно, не за Роналдо, но е голем проблем за еден тим ако имате играч кој повеќе се грижи за „дебелењето“ на својот рекорд на Светското првенство отколку за резултатите на тимот.
Ситуацијата во која Роналдо му ја одзеде шансата за гол, беше анализирана од Тиери Анри по натпреварот со една важна изјава:
„Едно нешто е важно… Луѓе дома, обрнете внимание: тимот мора да постигне гол, а не вие. Ќе објаснам сега… Бидејќи тој сака да постигне гол, тој оди по таа топка. Видовте двајца играчи во подобра позиција… Тоа е суштината. Тимот мора да постигне гол, а не вие. Ја видовте реакцијата на Бруно Фернандеш, како да сакаше да му каже: „Трчај, отвори простор, за да можам да ја ставам топката во мрежата“, ја објасни Анри ситуацијата во која Португалија пропушти одлична шанса – поради себичноста на Роналдо.
И додека добар дел од фудбалската јавност го гледа Роналдо како проблем на Португалија, тренерот Мартинез не сака да ја бара причината за неуспехот во еден играч.
„По првиот гол, не стигнавме до последната третина на нивото што ни беше потребно за да му пружиме услуга на напаѓачот (Роналдо) и да го искористиме неговото движење. Значи, постојат аспекти што треба да ги подобриме. Станува збор за подобро користење на сите играчи на теренот. Напаѓачот мора да остане блиску до голот, но ние мора да најдеме простор и да ја внесеме топката во тие позиции“, рече Мартинез.
Really good analysis from Henry. This is the Ronaldo issue right now.
He's playing as a 9, but he's never been a 9 and he's not acting as a 9. Not giving Portugal those traits and it hurt them today. pic.twitter.com/yjSaOK2J5J
— Marc Geschwind (@MarcGeschwind) June 17, 2026
