Француската репрезентација ќе се соочи со Парагвај без еден од своите клучни играчи – Орелиен Чуамени. Натпреварот од осминафиналето е вечерва во 23:00 часот. Играчот од средниот ред се повредил и нема да може да учествува на натпреварот во Филаделфија.
Фудбалерот на Реал Мадрид почувствувал непријатност во бутот за време на тренингот во петокот и како резултат на тоа останува надвор од сметките на тренерот Дидие Дешан.
Според информациите на новинарот од „ERM SE Sport“, францускиот интернационалец ќе отсуствува од терените околу четири дена. Тоа значи дека треба да биде достапен за евентуално четвртфинале.
Се очекува местото на играчот на Реал Мадрид во стартната постава вечерва да го заземе Ману Коне.
