Германија доживеа уште еден разочарувачки пораз на Светското првенство откако беше елиминирана од Парагвај во осминафиналето на овогодинешниот турнир. Оваа рана елиминација го зацементира најтемниот период во историјата на Бундестимот, кој по трет последователен и четврти пат вкупно не успеа да стигне дури ни до последните осум на најголемиот фудбалски форум.
Во целата своја историја, Германија не успеа да се квалификува барем за четвртфиналето на Светското првенство само во четири наврати. Првиот таков преседан датира од 1938 година, а другите три елиминации дојдоа последователно во 2018, 2022 и сега во 2026 година. Така, последните 12 години станаа вистинска катастрофа за „панцирите“ откако ја крена светската титула во Бразил во 2014 година.
Only on four occasions in their entire history have Germany failed to make the Quarter-Finals of the World Cup:
◎ 1938
◎ 2018
◎ 2022
◉ 2026 🆕It’s been a bad 12 years for Die Mannschaft since lifting the trophy in 2014. 😟 https://t.co/Lq6sS9T27g pic.twitter.com/bVxLTxWR8W
— Squawka (@Squawka) June 29, 2026
За да се заокружи сè, поразот во Бостон, исто така, го разби еден од најголемите митови во фудбалот. За прв пат во својата историја, Германија загуби на пенали на Светско првенство. До тој момент, Германците беа сметани за непобедливи во изведувањето на пенали на Светските првенства, откако ги добија сите четири претходни дуели од пенал рулетот – во 1982 година (против Франција), 1986 година (против Мексико), 1990 година (против Англија) и 2006 година (против Аргентина).
