На Томас Партеј му е забранет влез во Канада и ќе го пропушти првиот натпревар на Гана на Светското првенство. Забранет му е влез во земјата поради обвинувања за силување.
Партеј е вклучен во репрезентацијата на Гана и покрај тоа што е обвинет за сексуален напад и силување. Судскиот процес е во тек, а Партеј ги негира сите обвиненија против него.
„ФИФА може да потврди дека Томас Партеј нема да може да патува од кампот на репрезентацијата на Гана во Бостон бидејќи му е забранет влез во земјата од Канада. Првиот натпревар на Гана е против Панама во среда, 18 јуни, а на Партеј му е забранет влез во земјата од канадските власти“, се вели во соопштението на ФИФА, по што следеше „миење раце“ од организаторите:
„ФИФА не е вклучена во процесот на имиграција на земјите домаќини, вклучително и издавањето визи. Како и во претходните натпревари на ФИФА, земјата домаќин има право да одлучи на кого ќе му биде дозволен влез, а на кого не.“
Гана ќе го игра и својот втор натпревар од групата, против Хрватска, во Торонто, додека третиот натпревар ќе го игра против Англија во Њу Џерси.
