Вечерашниот осминафинален натпревар на Светското првенство носи судир меѓу големите фаворити Бразил и Јапонија (19 часот), но во јапонскиот табор нема ни трошка страв.
Селекторот на Јапонија, Хаџиме Моријасу, изјави дека неговиот тим верува дека може да го изведе едно од најголемите изненадувања на турнирот.
Бразил влегува во натпреварот како апсолутен фаворит, но Моријасу верува дека оваа улога им дава дополнителна мотивација на неговите играчи.
„Целосно сме подготвени да се соочиме со Бразил со сè што имаме. Нашите играчи работеа исклучително напорно, а целиот тим пристигна на ова Светско првенство подготвен за најголемите предизвици. Знаеме дека повеќето луѓе ќе го сметаат Бразил за фаворит – и со добра причина, поради нивната историја и квалитет – но токму затоа сме тука“, рече Моријасу, јасно нагласувајќи дека неговиот тим не доаѓа само да игра натпревар, туку да се обиде да напише нова страница во својата фудбалска историја:
„Дојдовме да го шокираме светот!“ Јапонија е подготвена да покаже дека е најголемото изненадување на ова првенство. Моите играчи се мотивирани, целосно фокусирани и гладни да создадат историја. Имаме голема почит кон Бразил, но исто така веруваме во себе. Ќе го дадеме својот апсолутен максимум и ќе се бориме до последниот свиреж.“
Конечно, Моријасу потсети што го прави Светското првенство посебно.
„Тоа е она што го прави Светското првенство посебно – моментите кога се случува неочекуваното. Јапонија е подготвена да создаде еден од тие моменти“, заклучи јапонскиот тренер пред вечервашниот судир со Бразил.
, но во јапонскиот табор нема ни трошка страв){kind=link}