Тренерот на Реал Мадрид, Алваро Арбелоа, го коментираше триумфот на „белите“ од 2-1 над Алавеш во натпревар од Ла Лига.
„Доминиравме во првото полувреме. Требаше да постигнеме повеќе голови и да решиме сè, а да не дозволиме противникот да се врати во игра“, рече Арбелоа.
Тој, исто така, ги коментираше свирежите од трибините на „Бернабеу“ кон Винисиус Жуниор.
„Не е прв пат Винисиус да се соочи со ваков став, но тој е вистински Мадридиста кој го сака клубот и овој амблем. Многу сум среќен што навивачите го наградија со аплауз. Не мислам дека исвиркувањето беше масовно, дека целиот „Бернабеу“ го исвиркуваше или дека беше постојано. Вакви работи се случуваат понекогаш, и јас сум поминал низ нешто такво. Вини денес заврши многу добра работа“, додаде Арбелоа.
„Сите во Реал веруваат во Камавинга. Јас, раководството, навивачите – апсолутно сите“, нагласи поранешниот дефанзивец.
„По натпреварот со Баерн, разговаравме и одлучивме дека мора да ги добиеме преостанатите 7 натпревари. Тоа е нашата цел. Веќе имаме една победа, остануваат уште шест“, заклучи тренерот на кралскиот клуб.
