Колумбија го започна своето учество на Светското првенство со очекувана победа. Екипата на Нестор Лоренцо победи со 3:1 над дебитантот Узбекистан, иако трите бода не дојдоа лесно.
Даниел Муњоз отвори за Колумбијците во 41-та минута, но во 60-тата минута, Абосбек Фајзулаев го постигна првиот гол за Узбекистан на завршниците на Светските првенства. Малку подоцна, Луис Дијаз го врати водството за „лос кафетерос“, а сè заврши во продолжението со гол на резервистот Хаминтон Кампос.
Во второто коло од групната фаза, Колумбија ќе се соочи со ДР Конго, а Узбекистан ќе има тешка задача да се спротивстави на Португалија.
