Бразилската фудбалска легенда Пеле и францускиот играч и тренер Тиери Анри привремено добија улици именувани по нив во Њујорк Сити, во нивна чест пред Светското првенство.
Светското првенство започнува денес и ќе трае до 19 јули, а ќе се одржи во Канада, Мексико и САД. Финалето ќе се одржи следниот месец на стадионот „МетЛајф“, кој ќе се вика „Њујорк Њу Џерси стадион“ за време на траењето на турнирот.
Толпи луѓе се собраа на раскрсницата на Западната 50-та улица и Шестата авенија во центарот на Менхетен за да го одбележат откривањето на улицата „Thierry Henry Way“, објави FOX Sports.
Поранешната ѕвезда на Арсенал и Барселона и член на францускиот тим што го освои Светското првенство во 1998 година, Анри (48), се појави на големиот екран преку видео повик. Тој стана попознат во Соединетите Американски Држави поради петте сезони во дресот на Њујорк Ред Булс во МЛС до 2014 година.
Градот, исто така, ја преименуваше раскрсницата на Ши Роуд и Меридијан Роуд во Квинс по бразилската легенда Пеле, поранешен играч на Њујорк Космос. Новите привремени имиња на улиците ќе останат во сила до 1 ноември.
