Додека Ливерпул се подготвува за новата сезона во САД, вниманието на јавноста е насочено кон преодниот рок. Според британските медиуми, Ливерпул подготвува понуда за крилниот напаѓач на Пари Сен Жермен, Бредли Баркола.
„Црвените“ го следат францускиот репрезентативец долго време, но минатото лето се откажаа од трансферот за да не го забават развојот на Рио Нгумоха.
Ситуацијата се промени во меѓувреме по заминувањето на Мохамед Салах, па клубот сака докажано решение кое може веднаш да направи разлика.
Баркола има 152 настапи за ПСЖ, со учинок од 39 гола и 37 асистенции.
Ливерпул верува дека 23-годишниот Французин би бил одлично засилување и еден од клучните играчи во новата ера под водство на Андони Ираола.
Сепак, Парижаните бараат 165 милиони евра за трансферот.
