Пеп Гвардиола претрпе уште еден пораз од Реал Мадрид во Лигата на шампионите. Овој пат, неговиот Манчестер сити загуби со 1-2 дома, откако играа со човек помалку долго време, а по поразот од 0-3 на „Бернабеу“ пред една недела, го напуштија најпрестижниот европски клупски турнир, додека „кралевите“ се пласираа во четвртфиналето.
„Штета што не можевме да го одиграме целиот натпревар со еднаква сила, особено имајќи предвид дека постигнавме гол. Но, така реши судијата, нели? Тоа е. Имаме исклучителен тим. Исклучителен. Така беше во првите 15 минути денес, како и во оние на Бернабеу.
Честитки до Реал Мадрид. Кариерата се состои од добри и лоши резултати. Бевме елиминирани од Лигата на шампионите, но барањата на ова натпреварување се многу високи. Штета што не игравме 11 на 11 целиот натпревар“, рече Гвардиола.
Стручњакот беше прашан и дали ќе има сила барем уште една сезона во која ќе остане на чело на Манчестер Сити и повторно ќе се соочи со Реал Мадрид. Двата тима досега се сретнаа вкупно 7 пати во нокаут фазата од Лигата на шампионите, при што „кралевите“ се пласираа 5 пати во следната фаза, додека „граѓаните“ го сторија тоа само 2 пати.
„Да, дефинитивно ќе се сретнеме“, самоуверено одговори Гвардиола.
