Данил Медведев се огласи по дисквалификацијата во полуфиналето во Пекинг против Новак Ѓоковиќ и нагласи дека е многу повеќе загрижен за состојбата на гледачот кој беше погоден од топката отколку за самиот резултат.
Инцидентот се случи кога Ѓоковиќ водеше со 7:5, 5:3. По еден од волеите на Новак, топката се врати кај Медведев, кој ја удри кон трибините, по што погоди гледач во лицето.
Русинот беше дисквалификуван кратко потоа, но во микс зоната веднаш нагласи дека сè било случајно.
„Пред се, ужасно ми е жал за гледачот. Се обидувам да стапам во контакт со него, ако сака. Се надевам дека ќе можам лично да му се извинам и да видам како е“, рече Медведев.
Медведев негираше каква било намера да ја удри топката од лутина.
„Да, тоа беше 100 проценти несреќа. Можете да видите дека не ја удрив топката од лутина. Правам многу лоши работи, но генерално малтретирањето топки не е моја работа.“
Тој исто така објасни што се обидувал да направи.
„Топката се враќаше кон мене и јас само се обидував да ја удрам некаде за да не излезе надвор од теренот.“
Кога видел дека погодил гледач, ситуацијата целосно го погодила.
„Кога видов што се случи, се чувствував ужасно, бидејќи не мислам дека некогаш сум бил блиску до оваа ситуација.“
Not the ending we expected 😮
@DjokerNole advances to the Beijing final after Medvedev is defaulted whilst down 5-7 3-5
#ChinaOpen https://t.co/Pae5eNrJ6W
— Tennis TV (@TennisTV) October 5, 2026
Медведвед постојано повторуваше дека здравјето на лицето што го удрила топката е најважното нешто за него во моментов.
„Најважно е да се надеваме дека се добро, бидејќи никогаш не знаете што може да се случи во овие ситуации.“
Тој додаде дека потегот не е резултат на фрустрација поради пропуштените можности за време на натпреварот.
„Можете да видите дека во тој момент немаше лутина. Не беше некоја посебна фрустрација. Не го удрив силно. Да, го погоди и навистина ми е жал за тоа. Само се надевам дека е добро.“
Русинот исто така рече дека би сакал лично да се сретне со гледачот.
„Тоа е најважното нешто. Што се однесува до сè друго, да продолжиме понатаму. Навистина сум загрижен за него во моментов. Се надевам дека ќе можам да се сретнам со него и некако да му се оддолжам.“
Медведев, исто така, кратко коментираше за играта на Ѓоковиќ на крајот.
„Беше тежок натпревар за мене. Играше многу добро. Имав чувство дека игра како во нашите најдобри натпревари заедно. Имав неколку можности што не ги искористив.“
Тој исто така верува дека Новак сега има сериозна шанса да стигне до крај.
„Играше неверојатно добро. Мислам дека има голема шанса во финалето“, подвлече Русинот.
