Членот на надзорниот одбор на Баерн Минхен и почесен претседател на Баварците, Ули Хенес, категорично ја отфрли можноста за продажба на кој било од триото напаѓачи Мајкл Олисе, Хари Кејн и Луис Дијаз, а исто така коментираше и за новото засилување на тимот, Исмаел Саибари.
„Продолжување на договорот на Кејн? Не сум разговарал директно со Хари за тоа, но слушнав дека е многу среќен во Минхен. И ние сме многу среќни со него и навистина нема причина да си замине следната година. Барем јас не гледам никаква причина за тоа. Тој е пример за углед во секој поглед. Не само како стрелец, како играч на теренот, туку и како личност.
Да ги продадеме Кејн, Дијаз или Олисе? Зошто би го направиле тоа? Би биле луди! Трошите 60-70 милиони евра, добивате можеби 120 милиони евра, а потоа одите по други играчи без да знаете како ќе се покажат во тимот. Имаме среќа што го имаме најдоброто трио во светот: Дијаз, Кејн и Олисе. Исмаел Саибари дефинитивно ќе го засили овој тим. Би било целосно лудо дури и да се помисли на продажба на некој од нив“, рече Хенес.
