Каспер Хјулманд веројатно ќе го напушти Баер Леверкузен на крајот од сезоната, објавуваат германските медиуми. Поранешниот селектор на Данска ги презеде „фармацевтите“ на почетокот на септември, но речиси сигурно нема да може да избори место во Лигата на шампионите со нив.
Ова беше јасно по поразот во претпоследното коло од Бундеслигата против директниот ривал Штутгарт, па челниците на клубот решија да направат промена.
Германски „Скај“ пишува дека Данецот нема да добие нов договор, а како главен кандидат за негов наследник го наведува бразилскиот тренер Фелипе Луис.
Тој го освои Копа Либертадорес со Фламенго. Покрај него, Баер го таргетира и тренерот на Жирона, Мичел.
