Напаѓачот на Баерн Минхен, Хари Кејн, го коментираше триумфот од 2-1 над Реал Мадрид во првиот натпревар од четвртфиналето на Лигата на шампионите. Англискиот репрезентативец го постигна вториот гол за Баварците.
„Знаевме дека доаѓањето во Мадрид и постигнувањето на посакуваниот резултат тука е секогаш многу тешко. Баерн играше навистина добро во многу ситуации и можеше да се справи уште подобро – можеби не бевме толку ефикасни во нашите последни додавања или завршни удари, иако имавме неколку добри шанси, но мора да му го дадеме заслуженото на Реал Мадрид.
Во добра позиција сме, но сме само еден гол понапред, па работите можат многу брзо да се променат. Мора да останеме фокусирани. Имаме важен натпревар на гости во Бундеслигата во сабота, па сега главната работа е да се опоравиме и да се фокусираме на тоа, а потоа следната недела ќе дојде време и ќе се обидеме да играме како денес“, рече Кејн по натпреварот.
Реваншот ќе се одржи на 15 април на „Алијанц Арена“ во Минхен.
