Менаџерот на Ковентри Сити, Френк Лампард, потпиша нов договор со англискиот клуб, обврзувајќи се кон клубот до летото 2029 година.
Некогаш славниот фудбалер го презеде Ковентри во ноември 2024 година, кога беа 17-ти на табелата.
Во својата прва сезона, тој успеа да ги одведе до плеј-офот, а потоа и до шампионската титула минатата година, а минатата сезона ги врати во Премиер лигата – освојувајќи ја Чемпионшип лигата.
Затоа ангажманот на Лампард беше разгледуван од неколку клубови. Медиумите шпекулираа дека би можел да седне на клупата на Кристал Палас или Фулам, но 48-годишната легенда на англискиот фудба одлучи да остане во клубот од Мидлендс.
Поранешниот англиски репрезентативец играше за својот роден Вест Хем, Свонси, Њујорк Сити, Манчестер Сити и секако – Челси за време на неговата богата играчка кариера.
Тој е најдобриот стрелец на „сините“ на сите времиња и еден од играчите кои ја одбележаа ерата на големи успеси за клубот од Стемфорд Бриџ. Тој беше и менаџер на Челси, Дерби Каунти и Евертон.
„Воодушевен сум што потпишав нов договор. Голема чест е да го претставувам овој клуб. По неверојатната работа од сите во клубот што доведе до промоција во Премиер лигата и освојување на Чемпионшип, беше важно да уживаме во тој момент, а како град сигурно го направивме тоа“, рече Лампард, додавајќи:
„Нашата работа како тренерски штаб и како играчи е прво да се одмориме, но и да се фокусираме на она што сакаме да го постигнеме и што треба да направиме за следната сезона. Имаме многу работа пред нас, и на теренот и надвор од него, и веќе работиме на тоа.“
Ковентри ја заврши минатата сезона со 11 бода предност пред второпласираниот Ипсвич и доминантно се врати во Премиер лигата по 25 години.
„Со нетрпение очекувам повторно да се соединам со играчите и да се подготвам за новата сезона. Сакам да им се заблагодарам на сите во клубот. Прво и најважно, на навивачите, кои беа неверојатна поддршка за тимот, мене и мојот тренерски штаб и го овозможија ова“, рече Лампард, додавајќи:
„Духот на заедницата што го изградивме во текот на изминатата година е нешто посебно и сакаме да продолжиме така. Исто така, би сакал да му се заблагодарам на сопственикот, Даг Кинг, што ми даде можност да дојдам во овој клуб и за неговата голема поддршка. Работиме многу добро заедно, знаеме дека имаме многу работа пред нас, но ќе дадеме сè од себе.“
