Голема пресвртница во италијанскиот фудбал – Паоло Малдини и Леонардо поднесоа оставки од своите позиции во Италијанската фудбалска федерација, само десет дена откако беа назначени на своите позиции.
Според Фабрицио Романо, дуото одлучило да го напушти проектот поради несогласувања со претседателот на Федерацијата, Џовани Малаго, околу изборот на новиот селектор на италијанската репрезентација.
Малдини, кој беше назначен за технички директор, и Леонардо, кој требаше да биде советник, имале јасна желба да го стават Андреа Пирло на клупата на „азурите“. Сепак, претседателот Малаго не дал согласност за ангажманот на легендарниот играч од средниот ред.
Главната причина за неговото противење се наводно врските на Пирло со руски брендови, поради што првиот човек на италијанскиот спорт не сакал да го поддржи неговиот избор за селектор.
🚨🇮🇹 Paolo Maldini and Leonardo RESIGN from their roles as Italy Federation technical director and advisor.
Decision to leave the project just 10 days after joining due to president Malagò being against appointing Andrea Pirlo as new head coach for Italian national team.
The… pic.twitter.com/UYEtFJCjRw
— Fabrizio Romano (@FabrizioRomano) July 27, 2026
Малдини и Леонардо не сакале да се откажат од својата идеја и откако нивниот предлог не добил поддршка, решиле да се повлечат од проектот.
Така, соработката на големите фудбалски имиња со Италијанската фудбалска федерација заврши практично пред да започне, а „азурите“ сега повторно бараат решение за позицијата тренер.
