Фудбалерот на Реал Мадрид, Ендрик е закован на клупата и нема индикации дека може да стане од неа и да оди да се загрева, а камоли да стапне на теренот. Сепак, можеби спасот е во – Милан.
Како што објави „Газета дело Спорт“, „росонерите“ се сериозно заинтересирани да го ангажираат Бразилецот во зимскиот преоден рок.
Бразилецот дури рекол „да“, му требаат минути, покажа сериозен потенцијал додека беше во Лион и не сака да остане далеку од очите на Карло Анчелоти ког станува збор за репрезентацијата.
Поранешниот напаѓач на Палмеирас се вклучи во финансиската конструкција на „росонерите“, што не е мал фактор. Годишната плата на Ендрик е околу 2.500.000 евра нето плус бонуси, но, секако, сè зависи од тоа каков одговор ќе добие од Реал. Картата на која може да игра Милан е фактот дека лидерите на двата гиганти имаат добра соработка. Брахим Дијаз и Тео Ернандез го напуштија Реал за Милан, а двајцата станаа важни во играта на гигантот од „Сан Сиро“.
Дури постои и идеја како Ендрик би можел да се искористи во системот на Рубен Аморим. Првата опција би била да игра како полунапаѓач, втората да биде преместен на позицијата крилен напаѓач, а третата да биде замена за Гонзало Рамос.
Секако, постои конкуренција. Пред сè – Рома. Џанпјеро Гасперини би сакал да го види на „Олимпико“, а познато е колку е способен „стариот лисец“ да врати играч во форма.
Се споменува и дека Астон Вила, која се мачи со нападот од почетокот на сезоната, го сака, но италијанските клубови се поконкретни. Се чини дека ќе го видиме Ендрик во кој било друг клуб, освен на „Бернабеу“.
