Напаѓачот на Галатасарај, Виктор Осимен, даде краток коментар за гласините што се појавија во последните еден или два дена за неговиот можен трансфер во Арсенал.
Нигерискиот напаѓач се поврзува со трансфер во Челси, а неодамна и во Тотенхем, но сега „топџиите“ се појавија како фаворити, според информации од Островот. Иако не ја исклучи можноста за заминување од Галатасарај, тој нагласи дека е целосно фокусиран на подготовките пред сезоната. Се верува дека Арсенал размислува за понуда за напаѓачот, кој е проценет на 58 милиони фунти.
„Секогаш има гласини за време на преодниот рок. Ќе се погрижам за мојата работа. Фокусиран сум на моите должности, а потоа ќе видиме и ќе размислиме понатаму“, рече тој.
Осимен постигна два гола во петокот навечер, но неговиот тим на Галатасарај ја започна сезоната во Турција со реми 2-2 со Чорум.
Во 2023 година, Осимен не ја криеше својата амбиција еден ден да игра во Премиер лигата, додека беше во неверојатна форма за Наполи на патот до титулата во Серија А.
