Поранешниот напаѓач на Манчестер Јунајтед и Англија, Мајкл Овен, коментираше за ситуацијата околу тренерската позиција на „Црвените ѓаволи“.
Освојувачот на „Златната топка“ во 2001 година се сомнева дека е важно кој го води Јунајтед од клупата по бројните тренерски промени во изминатата деценија.
„Тој (Маурисио Покетино) е несомнено многу добар менаџер. Навистина ми се допаѓа како личност и како професионалец. Но, не може да се негира фактот дека и други исклучителни менаџери дојдоа во клубот во последните 10-15 години. И главното прашање е дали е важно. Кој и да дојде – Карик, Покетино, некој друг – тоа е клучното прашање. Во последните 15 години, ништо навистина не се променило, нели? Сè остана исто. Дали Покетино ќе биде различен од Мурињо, Ван Гал, Солскјер, Мојс, Аморим и сите останати? Сите дојдоа со огромни надежи и очекувања – исто како што е Покетино сега. Но, вистинското прашање е: може ли некој да успее во овој клуб со неговата сегашна структура?“, рече Овен.
По 10 натпревари, Манчестер Јунајтед е на 18-то место на табелата во Премиер лигата. Мајкл Карик ќе биде заменет од Маурисио Покетино како менаџер на Јунајтед.
Аргентинецот ќе го има своето деби во недела кога „црвените ѓаволи“ ќе се соочат со тешка задача на гостински терен против Ливерпул.


