Дефанзивецот на Интер, Алесандро Бастони, е под истрага од обвинителите во Милано поради сомнение за детска проституција.
Фудбалерот добил известување за истрага денеска и наскоро ќе биде испрашуван. Тој е обвинет за сексуални односи со 17-годишно девојче, објави „Газета дело Спорт“.
Inter, Bastoni indagato per prostituzione minorile: il giocatore coinvolto nell’inchiesta escort di Milanohttps://t.co/bu2RCLqYce
— La Gazzetta dello Sport (@Gazzetta_it) June 30, 2026
Истрагата против Бастони е дел од поголем случај што се однесува на мрежа на малолетничка проституција и ескорт услуги во областа на Милано. Обвинителите истражуваат обвинувања за организирано подведување, а дефанзивецот на „неразурите“ се чини дека е еден од клиентите што ги користеле услугите.
Италијанските медиуми објавуваат дека повеќе информации ќе бидат познати откако обвинителите ќе го испрашуваат фудбалерот. Не се објавени други детали за случајот.
Бастони дошол преку академијата на Аталанта и играл за првиот тим на клубот од Бергамо. Интер потпиша со него во 2017 година за 40,7 милиони евра. Тој беше на позајмица во Аталанта и Парма, а од 2019 година е постојан член на Интер.
Одигра 298 натпревари за миланскиот клуб. Постигна осум гола и 30 асистенции, а освои и девет трофеи. Во последните месеци се појавија гласини за неговиот трансфер во Барселона и Реал Мадрид. Тој има 43 настапи за италијанската репрезентација, а Трансфермаркт ја проценува неговата вредност на 65 милиони евра.
