Фудбалерите на Арсенал го победија Барнли со минимални 1:0 во 37-то коло од англиската Премиер лига и со овој триумф пред своите домашни навивачи се доближија само на чекор до освојување на шампионската титула!
Со овие три бода, Арсенал стигна до вкупно 82, што е пет повеќе од Манчестер Сити, кој утре го игра својот натпревар и доколку не победат, „топџиите“ веќе официјално ќе станат шампиони.
Доколку Сити сепак победи во тежок натпревар на гости кај Борнмут, на Арсенал ќе му треба и победа во последното коло против Кристал Палас на гости, додека во исто време Сити ја пречекува Астон Вила.
Доколку вечерва остварија победа со поголема гол-разлика, на Арсенал веројатно ќе му беше доволен нерешен резултат со Палас за титулата.
Херој на победата на Арсенал вечерва беше Каи Хаверц, кој го постигна единствениот гол на натпреварот во 37-та минута.
