По историскиот пораз на Ленс од Комо со 1-0 во Лигата на шампионите, францускиот тренер Јаник Кајузак не го криеше своето разочарување и го опиша она што се случи како вистинско понижување.
„Нема да користам излишни фрази ниту да правам сложени анализи. Целосно потфрливме. Единствениот збор што ми паѓа на ум е понижување. Мора да си ја кажеме вистината еден на друг и да покажеме карактер оваа недела (дома против Марсеј – н.з.)“.
„Секој од нас има самодоверба и достоинство. Мора искрено да се погледнеме себеси и да ги разјасниме своите грешки за да ја кренеме главата во недела. Ова е нашата главна цел. За жал, ваквите тешки порази се исто така дел од фудбалскиот пат.
Тешко е веднаш да се најде објаснување, особено под влијание на емоциите по натпреварот.
Секој натпревар има своја приказна. Имавме некои силни моменти, вклучувајќи три последователни шампионски победи. Но, денес бевме едноставно понижени. Тоа е реалноста“, истакна тој по натпреварот.
