Поранешниот хрватски фудбалер Дарио Шимиќ беше уапсен во заедничка акција на локалната полиција и Дирекцијата за сузбивање на корупцијата и организираниот криминал (УСКОК).
Шимиќ беше уапсен заедно со Неда Ливљаниќ, поранешна директорка на Одделот за туризам во Службата за економија и имотно-правни работи на Државната управа на Шибенско-книнската жупанија.
Шимиќ е осомничен за нелегално добивање на потребните дозволи за камп во Тисно преку Ливљаниќ. „Јутарњи лист“ додава дека Ливљаниќ веќе е приведена по слични обвиненија.
Шимиќ е поранешен хрватски репрезентативец, за кого одигра 100 натпревари помеѓу 1996 и 2008 година. Тој беше дел од „ватрените“ кои го освоија третото место во светот на Светското првенство во 1998 година.
За време на неговата кариера, тој играше за Динамо, Интер, Милан и Монако. Двапати го крена трофејот од Лигата на шампионите со „росонерите“.
.){kind=link}