Капитенот на Холандија, Вирџил ван Дајк, ќе одржи клучен состанок со новоназначениот тренер Чави Ернандез за да ја одреди неговата идна улога во тимот. Централниот бек на Ливерпул изрази цврста намера да продолжи да игра за својата земја и да ги води до ЕП 2028.
Сепак, замената на Роналд Куман со Чави на чело на „лалињата“ го доведе во прашање статусот на 35-годишниот ветеран. Според информациите од „The Athletic“, Ван Дајк ја презел иницијативата за состанок, кој се очекува да се одржи во наредните недели. Двајцата веќе имале краток контакт за време на натпреварот од Лигата на шампионите помеѓу Ливерпул и Атлетико Мадрид, кој Чави го гледаше во живо од трибините на „Енфилд“.
Самиот Ван Дајк, кој влегува во последната година од договорот со клубот од Мерсисајд, е уверен во својата способност да придонесе за тимот.
„Чувствувам дека сè уште можам да бидам корисен и важен за тимот“, рече дефанзивецот за своите меѓународни перспективи.
Тој се надева дека неговата визија за иднината ќе се совпадне со онаа на шпанскиот стручњак. „Ако сме на исто мислење по ова прашање, имаме две добри години пред нас до Евро 2028. А ако не, тогаш ќе видиме“, додаде Ван Дајк, оставајќи ја вратата отворена за каков било развој на настаните.
