Селекторот на Франција, Дидие Дешан, нагласи дека неговиот тим добро ја познава Шпанија пред утрешниот полуфинален судир меѓу двата тима на Светското првенство.
Тој, исто така, увери дека фаворит за титулата не се „петлите“, туку „Фуријаtа“ поради нивниот триумф на Евро 2024.
„Добро ја познаваме Шпанија, тие се актуелни европски шампиони. Игравме против нив и во полуфиналето на Лигата на нации минатото лето. Дури и пред почетокот на Светското првенство, тие се сметаа за фаворити, но такви се Шпанците. Ова ги става под поголем притисок поради сè што постигнаа, иако го загубија финалето од Португалија во Лигата на нации. Ова е многу добар тим со многу силни страни. Се ближи првото полуфинале на Светското првенство, па нивото ќе биде многу високо“, коментираше Дешан за телевизијата на Француската федерација во авионот за Далас.
