Голманот на Германија, Мануел Нојер, објави дека се повлекува од репрезентацијата по Светското првенство.
„Овој турнир ќе биде мој последен со репрезентацијата, не планирам да учествувам на Европското првенство за две години. Сакам да го гледам ова натпревар по натпревар и да не размислувам за збогум или потенцијален последен натпревар за Германија“, го цитираше новинарот Фабрицио Романо Нојер.
Нојер го имаше своето деби за германската репрезентација во јуни 2009 година. Голманот одигра 125 натпревари за репрезентацијата. Во победата од 7–1 над Курасао во првото коло од групната фаза на Светското првенство, Нојер го започна натпреварот како стартер и го израмни рекордот за најмногу настапи на Светските првенства од страна на голман (20), претходно држен од Французинот Уго Љорис.
Во август 2024 година, голманот веќе ја заврши својата меѓународна кариера, но се согласи да се врати во германската репрезентација за да учествува на Светското првенство.
