Селекторот на САД, Маурисио Покетино, го изрази своето несогласување со црвениот картон што му беше покажан на Фоларин Балогун на натпреварот против Босна и Херцеговина во шеснаесетфиналето на Светското првенство во 2026 година. Американскиот стрелец беше исклучен по интервенцијата на ВАР затошто стапна на глуждот на Тарик Мухаремовиќ.
„Според мене, ова не е црвен картон. Немаше намера да се стапне на ногата на противникот. Ако има намера да се повреди противникот – тогаш се согласувам, го разбирам тоа“, рече Покетино по натпреварот.
🚨🇺🇸 𝗡𝗘𝗪: USA national team officials want to appeal the red card to Folarin Balogun.
However, FIFA sources have confirmed there is not a way or a form established to appeal a red card shown in World Cups in their disciplinary code.
— @AdamCrafton_ pic.twitter.com/Zcof9vTVFT
— The Touchline | 𝐓 (@TouchlineX) July 2, 2026
„Сепак, во овој случај тоа беше само дуел, во кој играчите се бореа за топката, а нивните нозе слетаа на тревата, нели?“, додаде аргентинскиот стручњак.
Покетино беше прашан и за слична ситуација на натпреварот помеѓу Аргентина и Алжир (3:0), во кој Лионел Меси избегна казна за слична акција.
„За мене, во двата случаи, нема причина за црвен картон“, беше категоричен селекторот.
Поради суспензијата, Фоларин Балогун ќе го пропушти осминафиналниот натпревар на САД против Белгија.
