Кошаркарите на Валенсија го победија Панатинаикос во третиот натпревар од четвртфиналето на Евролигата со резултат 91:87, со што ја намалија предноста на грчкиот гигант на 2:1 во победи.
Шпанскиот тим имаше голема предност по првото полувреме, беше +13, 52:39. Потоа следеше уште една голема серија на шпанскиот тим, кој во средината на третиот период имаше плус 19, беше 64:45.
Сепак, Панатинаикос успеа да се врати во четвртата четвртина и да стигне до минус три, беше 90:87, но тоа беше најблиску што Грците дојдоа на овој натпревар, па победата отиде во рацете на Валенсија.
Вреди да се спомене дека на крајот од третата четвртина, двајцата тренери Ергин Атаман од едната страна и Педро Мартинез од другата страна влегоа во жестока тепачка, поради што двајцата беа исклучени од играта.
Гостите од Шпанија до победата ги предводеа Бадио и Монтеро со по 16 поени, додека Тејлор додаде 14 поени со четири скока и две асистенции. Бадио додаде шест скока и четири асистенции, а Монтеро девет асистенции и три скока. Томпсон, исто така, постигна двоцифрен број поени – 12.
Шортс беше најдобар за Панатинаикос со 17 поени, шест асистенции и два скока, додека Рогавопулос додаде 16 поени со четири скока и две асистенции. Хејс-Дејвис додаде 15 поени со пет скока и две асистенции, а Нан го заврши натпреварот со 13 поени. Осман, исто така, постигна двоцифрен број поени – десет и пет скока.
Четвртиот натпревар од оваа серија ќе се игра исто така во Атина, во петок.
