Промените во кошарката на NCAA и зголемената моќ на договорите NIL, преку кои универзитетите можат да издвојуваат огромни суми за играчи, целосно го променија балансот на моќ и го направија американскиот колеџ систем сè попривлечен за европските таленти. Во последните сезони, сè повеќе млади кошаркари од Стариот континент одлучија да ги продолжат своите кариери во САД, но како што објавува „Еurohops“, една од најголемите „мамки“ на NCAA сепак не успеа да ги промени плановите на Тарик Биберовиќ.
Според овие информации, Универзитетот LSU понудил на турскиот репрезентативец договор вреден дури седум милиони долари по сезона, но крилниот напаѓач одлучил да ја одбие понудата и да остане во Фенербахче, фокусиран на крајот на сезоната и борбата за нови трофеи. Биберовиќ веќе беше на радарот на НБА тимовите минатото лето, кога имаше сериозни понуди од најсилната лига во светот, но потоа одлучи да ја продолжи соработката со клубот од Истанбул.
Иако интересот од НЦАА беше конкретен и финансиски исклучително силен, моменталните планови на 25-годишниот кошаркар не вклучуваат одење на американски колеџ. Како што стојат работите, одлуката за следниот чекор во неговата кариера треба да се донесе во текот на летото, кога ќе избере помеѓу останување во Фенербахче и евентуално влегување во НБА.
