Германскиот репрезентативец Исак Бонга официјално го напушти Партизан попладнево по две сезони. Тој ја искористи клаузулата во својот договор, плати 700.000 и ја продолжува кариерата во редовите на друг тим од Евролигата.
Иако Барселона наводно му понудила на крилниот напаѓач тригодишен договор вреден 8.000.000 евра, Реал Мадрид излезе со повеликодушни бројки, со исто времетраење на договорот што Германецот наводно го прифатил, објавува Encestado.
Исто така, зад сè стои доаѓањето на Педро Мартинез во Реал. Еден од условите за мадридскиот клуб беше да се обезбеди доаѓањето на Исак Бонга, кого се обидоа да го доведат во Валенсија минатата година.
Ништо не е финализирано засега, но се чини дека е сè поизвесно дека Германецот ќе стане новото „кралско момче“.
Бонга имаше просек од 10 поени и 5,6 скока по натпревар минатата сезона во Евролигата.
