Италијанскиот тренер Еторе Месина повторно ќе работи во НБА. Тој ќе биде советник во Атланта почнувајќи од следната сезона и ќе работи со својот поранешен помошник Квин Снајдер, објави весникот „Република“.
Еден од најуспешните европски тренери на сите времиња со тоа ќе биде ангажиран во најсилната кошаркарска лига во светот по трет пат.
Месина претходно работеше како консултант за Лос Анџелес Лејкерс и како помошник тренер во Сан Антонио Спарс.
Италијанскиот стручњак е на чело на Олимпија Милан во последните седум години, со која освои три титули во италијанското првенство и стигна до Ф4 на Евролигата во 2021 година.
