Дарин Говенс е нов член на КК Работнички и големо засилување за сезоната 2026/27.
Говенс зад себе има богата интернационална кариера, настапувајќи во првенствата на Исланд, Израел, Грција, Унгарија, Белорусија, Русија, Франција и Македонија, а во Работнички пристигнува од редовите на ТФТ Скопје.
Во својата кариера беше прогласен за MVP на Унгарската лига (2017), ја освои шампионската титула во Унгарија (2019) и настапуваше за репрезентацијата на Унгарија.
Во минатата сезона на 26 одиграни средби просечно бележеше 11,3 поени, 3,2 скокови и 4,7 асистенции по натпревар.
Говенс е висок 185 см, настапува на позицијата плејмејкер, покрај тоа ја покрива и позицијата бек шутер.
Важи за искусен организатор на играта, одличен шутер и вистински лидер на теренот, стои во соопштението на Работнички.
