Поранешниот македонски репрезентативец, Предраг Самарџиски се приклучи на стручниот штаб на младинската репрезентација на Македонија за играчи до 20 години.
Самарџиски од вчера е дел од подготовките на селекцијата која ова лето ја очекува настап на Европското првенство од Дивизијата „Б“, кое од 10. до 19. јули ќе се одржи во Братислава, главниот град на Словачка.
Поранешниот центар ја заврши играчката кариера во 2023 година, а по кратката пауза одлучи своето кошаркарско искуство да го пренесе во тренерските води.
Во изминатиот период Самарџиски работеше во Кина, каде стекнуваше нови тренерски искуства, а сега се враќа во македонската кошарка како дел од стручниот тим на младинската репрезентација, соопштија од КФСМ
