Австралијанецот Бен Симонс го имаше своето деби ноќва во дресот на Сакраменто и запиша седум поени при 2/4 од поле, една асистенција и две изгубени топки за девет минути на теренот во поразот од Голден Стејт Вориорс – 106:111.
Тој вели дека е здрав, но и дека е ограничен со минути бидејќи не играл долго време.
„Се чувствувам добро, и покрај ограничените минути. Не сум играл една година, па беше убаво да се вратам и да се натпреварувам на ова ниво. Овој натпревар е веќе зад мене“.
Тој додава и дека е ист играч како пред неколку години.
A successful first outing for Ben Simmons with the Sacramento Kings.
7pts, 1ast (3/4 FT) in just 8 minutes of court time.
Happy to see Ben back on an NBA floor.
#NBAHighlights https://t.co/6bK5UPxEEN
— NBA Australia (@NBA_AU) October 11, 2026
„Тоа има врска со фактот дека сум здрав, па можам да правам сè на теренот и да бидам агресивен. Сега сум постар, но сум ист играч како пред неколку години пред повредите“.
Симонс го одигра својот последен натпревар во април 2025 година во дресот на Лос Анџелес Клиперс. Тоа беше петтиот натпревар од првото коло од плејофот против Денвер Нагетс. Минатото лето, тој не најде клуб, па ја пропушти целата сезона. Во слободното време, тој ловел риба – дури и професионално, пред да потпише едногодишен договор со Сакраменто вреден 3,5 милиони долари.
Поранешниот играч на Филаделфија и Бруклин верува дека сега е многу поискусен.
„Играта ми се забави, гледам многу повеќе работи на теренот. Имам многу сезони зад себе, па можам да донесувам подобри одлуки. Во ред, не сум играл една година, но имам многу самодоверба.“
Конечно, тој нагласи дека работел напорно на себе.
„Враќањето беше процес. Работев напорно за да се вратам. Ќе продолжам да градам врз темелите на овој прв натпревар. Ова ќе биде долга година.“
