Кошаркарскиот клуб Дубровник соопшти дека потпишал договор со 24-годишниот плејмејкер од Македонија – Виктор Ташовски.
Тој се приклучува на хрватскиот клуб од ТФТ Скопје, каде што одигра 31 натпревар минатата сезона, со просек од 15,8 поени, 3,3 асистенции и 1,3 украдени топки по натпревар.
Македонецот играше и во АБА 2 лигата, каде што имаше просек од 14,4 поени и 2,7 асистенции по натпревар.
Ташовски е член на репрезентацијата на Македонија и учествуваше во победите на репрезентацијата против Ирска и Луксембург во претквалификациите за ФИБА Евробаскет 2029 на почетокот на јули.
„Виктор, добредојде во Дубровник!“, споделија од клубот.
