Двократниот МВП на НБА, Јанис Антетокумпо, официјално е претставен како ново засилување на Мајами Хит, откако франшизата од Флорида го купи грчкиот интернационалец во размена со Милвоки Бакс.
Претставувањето на 31-годишниот кошаркар беше повеќе како прослава што треба да ја промени историјата на франшизата отколку редовна прес-конференција.
Giannis Antetokounmpo holds up his new #7 @MiamiHEAT jersey at his introductory presser 🔥 pic.twitter.com/yRJMnbv8BW
— NBA (@NBA) July 16, 2026
Навивачите на Хит го поздравија Јанис со громогласни овации и скандирања, што предизвика накратко одложување на почетокот на настанот. „Ова не сум го доживеал долго време“, рече Јанис со насмевка.
Во друштво на главниот тренер Ерик Споелстра и претседателот Пет Рајли, беше објавено дека Антетокумпо ќе го носи дресот со број седум. Со тоа, тој одлучи да го остави зад себе бројот 34, кој го носеше за време на неговите легендарни 13 сезони со Милвоки Бакс.
„Причината зошто го сменив бројот е затоа што бројот 34 носи голема тежина и историја за мене. Од почит кон организацијата што ме избра и за која играв 13 години, решив да го оставам тој број зад себе и да започнам ново поглавје“, објасни Антетокумпо.
Тој нагласи дека промената на неговиот број не е само симболичен гест, туку важен емотивен чекор во нова фаза од неговата кариера.
„Се надевам дека ќе оставам свој белег во Мајами и дека бројот седум еден ден ќе стане легендарен како бројот 34. Ова е еден вид затворање на поглавје за мене, и ментално и емоционално, бидејќи тој број ми значеше многу.“
"I wore 34 because my mom was born in 1963 and my dad was born in 1964 so I took the three and four… if you add three and four it equals seven… I feel like 34 holds so much weight and it has so much history. Out of respect to the organization that drafted me… I decided to… pic.twitter.com/oR7HcoH8fy
— NBA (@NBA) July 16, 2026
Претседателот на клубот, Пет Рајли, не го криеше своето задоволство од доаѓањето на еден од најдобрите играчи на денешницата. „Се надеваме дека Јанис ќе остане тука до крајот на својата кариера.“
За возврат, Бакс ќе ги добијат Тајлер Хиро, Кел’ел Вир, Џејми Хакез Џуниор, Каспарас Јакучионис, три избори од првата рунда (вклучувајќи го и 13-тиот избор на претстојниот драфт), правото да разменуваат еден избор и друг избор од втората рунда.
„Уште од моите рани години во НБА, имав огромна почит кон организацијата Мајами Хит“, рече Јанис, додавајќи:
„Играчите многу разговараат едни со други. Сите зборуваат за „културата на Хит“: дека играчите работат напорно, дека се дисциплинирани, целосно посветени и несебични, подготвени да дадат сè од себе за тимот да победи. Секогаш ме интересираше што ги прави толку посебни.“
Кошаркарот роден во Атина ја помина целата своја НБА кариера во Милвоки, кој го избра со 15-тиот избор на драфтот во 2013 година.
Со ова завршува една ера во Милвоки, каде што ја помина целата своја НБА кариера. Гркот го освои шампионатот во 2021 година со Бакс и двапати беше прогласен за најкорисен играч во лигата.
The jersey reveal y’all have been waiting for… pic.twitter.com/j50dAQEx04
— Miami HEAT (@MiamiHEAT) July 16, 2026
„Во Милвоки се обидовме да создадеме нешто слично. На крајот, единственото нешто што е важно се победите. Секој ги става личните интереси настрана за заедничката цел за победа.“
Јанис нагласи дека сè уште има огромна желба да напредува и да освојува нови титули.
„Ја сакам кошарката. Ги сакам предизвиците. Сакам да се подобрувам. Постигнав многу во текот на мојата кариера, но една од моите најголеми цели е да освојам уште една НБА титула“, рече Јанис, додавајќи:
„Кога си поставувам цел, обично ја постигнувам. Верувам дека ова е најдоброто место за освојување на уште една титула и затоа сум многу возбуден за сè што ме чека.“
